നെയ്റോബി [കെനിയ] അയ്യപ്പ ക്ഷേത്രത്തില് റോസ്-ചുണ്ടമല്ലി പൂക്കള് കൊണ്ട് ഒരുക്കിയ ഓണപൂക്കളം .
എല്ലാവര്ക്കും അഭിവൃദ്ധിയും ,ആരോഗ്യവും, സന്തോഷവും നിറഞ്ഞ ഓണം ആശംസിക്കുന്നു.
അനുഭവം എന്ന ലേബല് ഉള്ള പോസ്റ്റുകള് കാണിക്കുന്നു. എല്ലാ പോസ്റ്റുകളും കാണിക്കൂ
അനുഭവം എന്ന ലേബല് ഉള്ള പോസ്റ്റുകള് കാണിക്കുന്നു. എല്ലാ പോസ്റ്റുകളും കാണിക്കൂ
2010 ഓഗസ്റ്റ് 15, ഞായറാഴ്ച
2010 മേയ് 12, ബുധനാഴ്ച
എന്റെ മുറ്റത്തെ Strawberry
മുറ്റമെന്ന് പറഞ്ഞാല് ബാല്ക്കണിയാണ് കേട്ടോ. mdയുടെ ഓഫീസ്സില് പോയപ്പോള് അവിടെ ഒരു ചെടിച്ചട്ടിയില് നിന്ന് ഒരു ചെറിയ സ്ട്രോബെറി ചെടി കിട്ടി. വീട്ടില് വന്ന് അതിനെ ബാല്ക്കണിയില് വെച്ചു. ഇടക്കൊരു ദിവസ്സം ഞങ്ങളുടെ ജോലിക്കാരി ജെയിന് അതിന്റെ കടയിലെ മണ്ണൊക്കെ ഒന്നിളക്കി കണ്ടു-എനിക്ക് സന്തോഷമായി.
ഞാന് പറയാതെ ഇവള്ക്ക് നല്ല ബുദ്ധി തോന്നിയതിനാല് ഞാനവളെ അല്പം പുകഴ്ത്തി-“നീ കടയിളക്കിയതിനാല് ചെടി നന്നായി വളരാന് തുടങ്ങി”.പിന്നെ ജെയിന് ഇടക്കിടക്ക് ഇതു ചെയ്തു തുടങ്ങി-ഒരു ദിവസ്സം ചെടി ഉണങ്ങിപ്പോയി.എനിക്ക് സങ്കടമായി-എത്ര മോഹിച്ച് ഞാന് നട്ടതാണ്-
അവസരം കിട്ടിയപ്പോള് വിണ്ടും ഓഫീസ്സില് പോയി.പ്രധാന കാര്യം സ്ട്രോബെറി ചെടി തന്നെ.ഈ തവണ ജെയിനോട് പറഞ്ഞു-ഈ ചെടിയെ ഞാന് ശ്രദ്ധിച്ചോളാം.
അതൊരു ഭംഗിയുള്ള ചെടിയായി വളര്ന്നു. മുട്ടിട്ടു-വെളുത്ത പൂക്കള് വിരിഞ്ഞു. പൂക്കള് പിങ്ക് സ്ട്രോബെറി പഴങ്ങളായി മാറി.
ബാല്ക്കണിയിലെ പൂക്കളില് എന്നും തേന് കുടിക്കാനെത്തുന്ന കുറെ സുന്ദരികിളികളുണ്ട്-peacock blueമുകളിലും,താഴെ മഞ്ഞയുമാണവരുടെ നിറം.കലപില ശബ്ദ്ധമുണ്ടാക്കി എന്നും അവര് വരും-എനിക്കവരെ കാണാനും,ശബ്ദ്ധം കേള്ക്കാനും വലിയ ഇഷ്ടമാണ്.
ഇവരില് നിന്ന് സ്ട്രോബെറി പഴം രക്ഷിക്കാനായി ഞാന് അതിനെ പോളിത്തീന് കവര് ഇട്ട് പൊതിഞ്ഞു വെച്ചു.രണ്ടു മാസത്തെ എന്റെ കാത്തിരിപ്പിനു ഫലമുണ്ടായി.അറ്റ് ലാസ്റ്റ്-നല്ലമണമുള്ള നിറമുള്ള ,രുചിയുള്ള സ്ട്രോബെറി പഴങ്ങളിതാ
2009 സെപ്റ്റംബർ 7, തിങ്കളാഴ്ച
കാശിത്തുമ്പയും തുബികളും
മാവേലിയെ വരവേല്പ്പാനായി വീടിനു ചുറ്റും കാശിതുബ പൂത്തു.മുറ്റമടിച്ചു ചാണകവെള്ളം തെളിച്ചു കഴിഞ്ഞാല് പിന്നെ കൊച്ചു ചാണകം കൊണ്ടു പൂക്കളമൊരുക്കനായി കളം മെഴുകും. ഞാനുംഅനിയത്തിയുംകാശിത്തുമ്പയും,മുക്കുറ്റിയും,തുമ്പപൂവും,
നന്ദ്യാര്വട്ടവും,ചെംബരത്തിയും,തെച്ചിയും ഒക്കെ കൈതഓല മെടഞ്ഞ പൂക്കുടകളില് ശേഖരിക്കും-വര്ണശബളമായ പൂക്കളം.
കൈയ്യാലയില് കളിമണ്ണു കൊണ്ടുണ്ടാക്കിയ ത്രിക്കാകരപ്പന്. അവരുടെ നാലുവശത്തും നിരയായി കുത്തിവെച്ച ഈര്കിളികളില് നിറയെ കോര്ത്ത കാശിത്തുമ്പപൂക്കല്. ആറാപ്പു വിളിയുടെ ആരവം.ഓണവെയിലില് മുറ്റത്തു പറ്ക്കുന്ന തുബികള്.കുമ്മാട്ടി പുല്ലു വെച്ചുകെട്ടി ‘മാനത്തു നില്ക്കുന്ന വാളമ്പുളിങ്ങ എത്തിച്ചു പൊട്ടിക്കും കുമ്മാട്ടി....എന്നു പാടി പടിയിറങ്ങുന്ന കുമ്മാട്ടികുട്ടികള്.
ഇതൊക്കെ വെറുതെ ഓര്ത്തുപോയി. Sep 6thനു നെയ്റോബി അയ്യപ്പ ക്ഷേത്രത്തിലും ആഘോഷിച്ചു ഓണം-മുടക്കു ദിവസ്സം നോക്കി.ഇവിടെ മുന്നൂറിലധികം മലയാളി കുടുബങ്ങളുണ്ട്. പ്ലാസ്റ്റിക് വാഴ ഇലകളില് ഗംഭീരമായ ഓണസദ്യ-പപ്പടവും,ഉപ്പേരിയും,അടപ്രഥമനും...ഉള്ളഓണസദ്യ.
അബലത്തിനു മുന്നില് റോസാപൂക്കളും,ജമന്തിപൂക്കളും കൊണ്ട് അലങ്കരിച്ച മനോഹരമായ പൂക്കളം.
ഓനത്തപ്പനും, കുമ്മാട്ടികളിയും, ആര്പ്പുവിളിയുമില്ലാതെ, നിശബ്ദമായി ഒരു ഓണം കൂടി കടന്നു പോയി.
[നെയ്റോബി കെനിയയുടെ തലസ്ഥാനമാണ്]
[നെയ്റോബി കെനിയയുടെ തലസ്ഥാനമാണ്]
ഇതിനായി സബ്സ്ക്രൈബ് ചെയ്ത:
പോസ്റ്റുകള് (Atom)